Xi jfisser għalik il-grupp Augustinian Youths?

Bħala membri tal-grupp Augustinian Youths naħdmu flimkien sabiex noħolqu spazju attiv bħala komunità żagħżugħa fi ħdan il-Knisja. Dan il-grupp għalija jispikka għaliex permezz ta’ laqgħat, attivitajiet, mumenti ta’ talb u xogħol volontarju għandna l-opportunità li naqsmu diversi perspettivi u esperjenzi lkoll flimkien.

Dan lili jgħini nagħti ftit mill-ħin tiegħi lil ħaddieħor u naqsam it-talenti tiegħi mal-oħrajn. L-isbaħ mumenti jkunu dawk fejn fihom noffru l-ħin tagħna sabiex inferrħu jew ngħinu lil dawk li huma fil-periferija jew emarġinati. Jiena għandi apprezzament kbir lejn dan il-grupp għaliex permezz ta’ dawn iż-żgħażagħ b’ideat differenti nistgħu noħolmu u nikbru flimkien bħala familja waħda Nisranija.

Nicole Pace

Jekk tixtieq iktar informazzjoni fuq Augustinian Youths u attivitajiet oħrajn għaż-żgħażagħ (18+) ikkuntattja lil fr Terence Spiteri osa (21222884) jew facebook/instagram Augustinian Youths.

-----

Għalfejn tieħu sehem fl-attivitajiet organizzati minn Tagaste Youths?

Tagaste Youths huwa post fejn wieħed jista’ jikber mhux biss meta jiġi biex ikabbar iċ-ċirku ta’ ħbieb tiegħu iżda wkoll spiritwalment. Tagaste Youths għinni nsir aktar kunfidenti u pprovdieli post fejn inħossni komdu nesprimi ruħi liberament. F’Tagaste Youths wieħed jista’ jsib il-kumdità u l-protezzjoni fi żminijiet diffiċli, ta’ turbulenza u ta’ inkwiet.

Aħna familja qrib ħafna fejn ingħaqadna tajjeb ħafna. Dan il-grupp ta’ żgħażagħ huwa wkoll post fejn nagħmlu diversi xogħol fil-komunità iżda huwa wkoll post fejn nirrilassaw u nqattgħu ftit ħin flimkien. Il-ftit sigħat li nqattgħu flimkien huma mod tajjeb kif nirrilassaw, ninqatgħu ftit mir-rutina u nserrħu moħħna mill-ħajja stressanti tal-iskola.

Tagaste Youths huwa dejjem miftuħ għal membri ġodda. Huwa dejjem importanti li żżomm l-aspett spiritwali ta 'ħajtek vibranti u ħaj peress li jservi ta' gwida u bħala kumpass għal ħajja aħjar u sodisfaċenti u ħajja b'ambitu u skop. Tagaste Youths huwa miftuħ għal żgħażagħ u adoloxxenti li għadhom qed ifittxu l-iskop u t-tjubija tagħhom fihom infushom u li forsi ma jkunux kunfidenti f’min huma tassew f’mixja flimkien mal-oħrajn lejn Kristu.

Tagaste huwa wkoll il-raħal fejn twieled u trabba Santu Wistin u b’hekk l-isem tal-grupp – ‘Tagaste Youths’ jirrappreżenta benniena ta’ mħabba, ħbiberija u protezzjoni.

Yevgeny Spiteri

Jekk tixtieq iktar informazzjoni fuq Tagaste Youths u attivitajiet oħrajn għaż-żgħażagħ (15+) ikkuntattja lil fr Terence Spiteri osa (21222884) jew facebook/instagram Augustinian Youths.

Il-Kummissjoni Internazzjonali tal-Lajċi tal-Ordni qed toffri korsijiet qosra fuq l-ispiritwalità Agostinjana. Dawn ser ikunu bl-ingliż u madwar 45 minuta kull sessjoni flimkien ma’ ħin għall-mistoqsijiet.

Jekk tixtieq tieħu sehem f’dawn il-mumenti ta’ formazzjoni tista’ tidħol fil-link https://zoom.us/join imbagħad iddaħħal il-Meeting ID skont il-ġurnata:

Fr Andrés González Niño, OSA, “The Confessions”, Part I.  12 ta’ Novembru 2022.

Meeting ID: 886 4391 1256

Passcode: 498831

Fr Andrés González Niño, OSA, “The Confessions”, Part II.  26 ta’ Novembru 2022.

Meeting ID: 845 0229 9013

Passcode: 077098

Fr. William Faix, OSA, "The Origin and Spread of Augustinian Lay Movement in the Order".  10 ta’ Diċembru 2022.

Meeting ID: 835 3111 0452

Passcode: 263754

Fr. Paul Graham OSA, “The Involvement and Commitment of Augustinian Laity for the Promotion of Justice, Peace and the Integrity of Creation.” 7 ta’ Jannar 2023

Meeting ID: 876 2701 6300

Passcode: 824341

Joseph Kelly, “Communion of Life in Augustinian Spirituality for the Laity”. 21 ta’ Jannar 2023

Meeting ID: 896 7144 2832

Passcode: 835163

Fr Josef Sciberras OSA, “The Journey of Holiness in the Order.” 4 ta’ Frar 2023

Meeting ID: 890 7923 4874

Passcode: 775718

Fr Bitrus Galadima OSA, “Sacred Scripture in the Writings of Saint Augustine” 18 ta’ Frar 2023

Meeting ID: 813 9625 4125

Passcode: 784413

William O’ Connor, “Laity in the Order: Roles, Perspectives, and Challenges” 4 ta’ Marzu 2023

Meeting ID: 817 2526 0125

Passcode: 156700

Fr Joseph Farrell, “Augustinian Pastoral Ministry and the Role of the Laity” 18 ta’ Marzu 2023

Meeting ID: 840 0162 2680

Passcode: 514820

Fit-13 ta’ Novembru, normalment l-Ordni Agostinjan jiċċelebra l-Festa tal-qaddisin kollha tal-Familja Agostinjana u Jum it-twelid ta’ Santu Wistin. F’dan l-isfond, jiġi ċċelebrat anke Jum il-Vokazzjonijiet. Għalkemm din is-sena ħabat il-Ħadd u għaldaqstant iċ-ċelebrazzjoni liturġika ntilfet, matul ix-xahar ta’ Novembru ġew organizzati diversi inizjattivi relatati mal-pastorali vokazzjonali.

It-Tnejn, 14 ta’ Novembru il-Kummissjoni Lajċi tal-Provinċja Agostinjana organizzat mument ta’ talb għall-Vokazzjonijiet fil-Kunvent Santa Rita San Ġiljan. F’dan il-mument, Fr Terence Spiteri qasam ma’ dawk preżenti l-esperjenza tad-diversi inizjattivi li jsiru b’dan l-iskop, flimkien ma’ riflessjoni sabiħa fuq il-kelma t’Alla li akkumpanjat lil dawk preżenti fit-talb tagħhom għal aktar vokazzjonijiet Agostinjani. Għall-attività kien hemm parteċipazzjoni sabiħa ta’ lajċi minn diversi realtajiet tagħna l-agostinjani.

Id-delegat Provinċjali għall-ħidma maż-żgħażagħ u d-dixxerniment vokazzjonali flimkien mal-Kummissjoni Provinċjali organizza anke diversi inizjattivi fosthom live-in għal grupp ta’ żgħażagħ li s-sena l-oħra temmew l-edukazzjoni tagħhom fil-Kulleġġ Santu Wistin. Il-Live-in sar fil-Kunvent ta’ San Tumas minn Villanova f’Tal-Pietà. Sadanittant fil-Youth Space li jinsab fil-basement tal-istess kunvent qed tiġi organizzata inizjattiva ta’ Prayer Spaces miftuħa għall-gruppi ta’ Adoloxxenti u żgħażagħ li jixtiequ jiġu u jgħixu din l-esperjenza ta’ riflessjoni personali u mixja ta’ fidi.

Matul il-ġimgħat li għaddew  ic-chaplaincy team tal-Kulleġġ Santu Wistin organizza ukoll żjarat ta’ nofs ta’ nhar għall-istudenti kollha tas-settur sekondarju fil-Kunvent tagħna tal-Belt. Fil-mawra tagħhom fil-belt, l-istudenti kienu milqugħa minn diversi patrijiet li qasmu magħhom mumenti u esperjenzi differenti.

Dawn huma biss ftit mill-inizjattivi organizzati bil-ħsieb li jippromwovu kultura li tapprezza s-sejħa għall-ħajja reliġjuża u tħeġġeġ liż-żgħażagħ jirriflettu dwar il-futur tagħhom. Jekk inti interessat li tkun taf aktar dwar il-ħajja Reliġjuża Agostinjana jew għandek bżonn xi appoġġ biex tagħraf aħjar il-futur tiegħek, aħna nistgħu ngħinuk.

• Fil-bidu tas-sena 2014, il-Provinċja Agostinjana Maltija b’konformita’ ma dak li kien ġie maqbul b’mod unaminu fil-kapitlu Provinċjali Ordinarju 2014, kienet għamlet diskussjonijiet ma’ Mons Arċisqof (dak iż-żmien Mons Pawlu Cremona) u mal-Kurja tal-Arċidjoċesi li fiha wriet ix-xewqa li tibda sservi pastoralment f’xi realta’ ġdida tad-Djoċesi. Eventwalment, il-qbil infatti kien seħħ pjuttost malajr u fi ftit xhur, tant li fis-6 ta’ Diċembru, 2014, l-Eċċellenza Tiegħu Mons Charles J. Scicluna - dak iż-żmien Amministratur Appostoliku sede vacante - (illum l-Arċisqof ta’ Malta) kien ħareġ id-Digriet li fiha huwa kien qed “jafda l-kura pastorali tal-Knisja ta’ San Martin, il-Baħrija u l-inħawi ta’ madwarha li jinsabu fit-territorju tal-Parroċċa ta’ San Pawl, ir-Rabat, f’idejn ir-Reverendu Patri Provinċjal pro tempore tal-Patrijiet Agostinjani u tad-delegati tiegħu, ad nutum Ordinarii loci.”

• Fr Ray Francalanza osa – dak iż-żmien Provinċjal - kien beda beda l-ħidma tiegħu bħala l-ewwel Rettur f’isem il-Provinċja nhar l-1 ta’ Jannar 2015. Fl-aħħar żewġ Kapitli Provinċjali, Fr Ray reġa ġie ikkonfermat biex jkompli jaqdi f’dan il-ministeru. Dan jfisser li bħala reliġjuzi agostinjani ilna diġa’ tmien snin naqdu pastoralment f’din il-lokalita’. Il-popolazzjoni fil-Baħrija illum kibret sew u qabzet l-2700 persuna mifruxa fuq 560 familji. Fiha telgħu jgħixu ħafna koppji żgħar u dan jagħmel mill-post komunita’ pjuttost żgħażugħa. Tul dawn is-snin saret ħidma kbira fuq kull livell biex tinbena komunita’ sabiħa kemm fuq livell ta’ fidi u anke fuq livell soċjali. Don kbir li hemm fil-Baħrija hu l-impenn ħaj ta’ bosta persuni li jservu u jingħataw b’ħafna imħabba u ġenerozita għall-ġid tal-komunita’ kollha. Min jixtieq jieħu togħma tal-ħajja fil-komunita’ tal-Baħrija, jista jservi l-fb page – Knisja Baħrija page.