Esperjenza differenti imma qawwija hija dik tal-Camino de Santiago. 5 żgħażagħ flimkien ma’ fr Terence Spiteri osa għamlu mixja mill-Portugal għal Spanja (200Km f’9 ijiem). Kull filgħodu kienu jibdew jimxu kmieni. Il-ġurnata kienet tibda b’mument ta’ talb u riflessjoni. Imxew madwar 20/30Km kuljum sakemm jaslu fir-raħal li jmiss li fih kienu ser jorqdu dak il-lejl biex l-għada jerġgħu jqumu u jkomplu l-mixja tagħhom. Staqsejna liż-żgħażagħ jaqsmu magħna l-esperjenza tagħhom u qalulna hekk:

L-esperjenza tal-Camino għallmitni ħafna ! Il-Camino ma kienx biss vjaġġ fiżiku iżda wkoll vjaġġ mentali, emozzjonali u spiritwali. Apparti li kbirt iktar fis-sens ta’ reżiljenza u determinazzjoni, kif ukoll li ngħix b’ta’ fuqi senduqi, il-Camino għinni wkoll napprezza iktar is-silenzju. Permezz tal-ħin ta’ skiet kull filgħodu bdejt nosserva iktar dak li kien għaddej madwari u wkoll ġewwa fija, filwaqt li fl-istess ħin sfidajt lili nnifsi biex ma nħallix it-teknoloġija jew it-to do lists f’moħħi jaljenawni. B’hekk bdejt anke nagħmel iktar ħin għal Alla. Is-sabiħ tal-Camino hu wkoll li jgħinek tafda iktar fl-oħrajn. Filfatt żgur li mingħajr is-sapport tal-membri l-oħra tal-grupp u wkoll ta’ pellegrini oħrajn, żgur li dan il-vjaġġ kien ikun ħafna iktar diffiċli. Issa li għadda l-Camino, dan kollu ser nibqa’ nġorru miegħi; forsi mhux f'basket fuq dahri bħal Camino iżda żgur ġo qalbi.

Franziska Grech

Up to the first 2 days of walking I was still getting cold feet. However, I changed my mind since I started noticing that we each have our own pace while walking, each of us faced and conquered different challenges (similar to our daily lives back home), and one needs to be humble and accept help or admit that his/her decision was not the most sensible. These are paramount life lessons which I will cherish!

In addition, during the Camino I enjoyed the 1 hour reflection time at the start of our walks as it helped me to appreciate the surroundings, pray, and be grateful for the family members and people present in my life! The mass held by fr Terence and the sharing time (mostly held in scenic spots) helped us all grew spiritually as well as personally.

Luke Sultana

Timxi, tieqaf, taprezza u tkompli. Dan kien il-Camino għalija. Mixi għal tul ta' ħin fejn ma' tistax tagħġġel jew taħrab mill-uġigħ li tkun qed tħoss jew aħjar taħrab mill-ħsibijiet li jiġuk. Saqajk jimxu wara il-vleġġeġ is-sofor, vleġġeġ li jtuk tama' li sejjer fit-triq it-tajba. Il-ħin kontemplattiv li għamilt waqt il-mixja kien ħin prezzjuz immens!

Maria Emma Buhagiar

L-esperjenza tal-Camino għinitni niskopri iktar lili nnifsi u kbirt fil-mixja tal-fidi tiegħi. Kien żmien perfett li matul il-mixja nkun lest li naċċetta bidla f’ħajti, li nkun iktar ta’ għajnuna u kuraġġ għal ħaddieħor u li f’ċertu mumenti nitfa lil ħaddiehor qabli. Din l-esperjenza kienet opportunità fejn sibt l-paċi interna, għax naf li jekk inkun naf lili nnifsi, ta’ madwari ser ikunu iktar hemm għalija. Ikolli nammetti ma kinitx mixja faċli għaliex tlajt ċertu għoqiedi u mistoqsijiet li ma kontx kapaċi nasal għalihom fil-ħajja ta’ kuljum pero f’din l-esperjenza kont kapaċi nħoll ċertu għoqiedi u nirrispondi Michele Portelli

L-esperjenza tiegħi tal-Cammino kienet riflessjoni tal-esperjenza tiegħi tal-ħajja - b'daħk u uġieħ, determinazzjoni u qtieh ta' qalb, sorpriżi kemm tajbin kif ukoll ħżiena. Imma fost dan kollu li żammna sejrin kienet it-tama li ħa naslu fid-destinazzjoni tagħna, minkejja li bdejna 'il fuq minn 200 kilometru 'l bogħod minnu! U allura, jekk il-Cammino tirrifletti l-ħajja tiegħi, mela x'inhi d-destinazzjoni li qed nimmira għaliha f'ħajti? X'iżommni għaddej fil-ħajja meta jkun hemm mumenti ta' mard u ta' uġieħ? Meta jkollok 6 siegħat mixi kuljum għal kważi ġimagħtejn sħaħ, naturali jiġuk dawn it-tip ta' mistoqsijiet.

Ir-risposta li bqajt niġi lura għaliha hi l-imħabba ta' Alla. Il-mira ta' ħajti hi li nikber iktar u iktar fil-konoxxenza ta' dik l-imħabba li ħalqitni. U bhal ma' kien hemm il-preżenza ta' Santiago tul il-mixja kollha, f'forom ta' vleġeġ sofor li jippuntaw fejn hi t-triq tal-Cammino, l-istess Alla wkoll f'dil-ħajja jagħtina l-grazzja li jippuntana u jiggwidana iktar lejH. Jinstema ħsieb sempliċi u ovvju forsi, imma fil-ħajja mgħaġġla ta' kuljum għalija faċli li ninsa dal-fatt. Min jaf kemm vleġeġ sofor li bagħtli l-Mulej injorajt f'ħajti għax iktar kont moħħi f'xi ħaġa oħra! Il-ħin nimxi fil-kwiet, maqtugħ minn dak il-ħafna ġenn li mlieli ħajti, għinni niftakar li jien mhux biss għal ġimagħtejn, imma għal ħajti kollha pellegrin miexi lejn, u gwidat, minn dik l-imħabba eterna li kienet tafna qabel ma sawritna fil-ġuf.

Matthew Pulis

--

Għal iktar informazzjoni fuq l-esperjenza tal-Camino de Santiago Sajf 2025 u attivitajiet oħrajn tistgħu tikkuntattjaw lil fr Terence Spiteri osa fuq This email address is being protected from spambots. You need JavaScript enabled to view it. jew tidħlu fil-facebook/instagram Augustinian Youths

^* Augustinian Youths huwa grupp ta’ żgħażagħ minn 20 sena ‘il fuq li jiltaqa’ darba fil-ġimgħa biex flimkien bħala komunità nkomplu naqsmu l-mixja tal-ħajja tagħna fi spirtu Agostinjan permezz ta’ mumenti ta’ formazzjoni, talb, hikes, live-ins, mixjiet u esperjenzi ta’ volontarjat f’Malta u barra minn Malta.

Issa li l-esperjenza ntemmet u kulħadd qed jirritorna lura għar-rutina normali tiegħu nixtiequ nesprimu l-gratitudni tagħna għal dak kollu li għaddejna minnu fit-tlett ġimgħat f’Lulju fil-Mozambik flimkien mas-Sorijiet Agostinjani. Aħna u ġejjin lura, ilkoll konna ddispjaċuti li se nħallu tant nies u esperjenzi warajna, fl-istess ħin sodisfatti li ħidmietna ħalliet tama fil-ħajjiet ta’ dawn in-nies.

Il-bini tal-Palhota, tiżbigħ f’partijiet differenti tal-iskejjel li huma mmexxija mis-sorijiet kif ukoll xi xogħol ieħor li kien hemm bżonn, kienu ħidmiet ta’ ferħ u sodisfazzjon li sebbaħna dal-postijiet fejn jitgħallmu t-tfal. Diversi drabi ltqajna mat-tfal fil-brejks, qassamna l-ikel u sellimnielhom qabel imorru d-dar. Mumenti sbieħ u sempliċi li nisslu ħafna ferħ fit-tfal. Kellna wkoll iċ-ċans niltaqgħu maż-żgħażagħ tad-djoċesi u l-Erbgħa 24 ta’ Lulju filgħaxija ċċelebrajna l-quddiesa flimkien. Kien mument sabiħ tara tant żgħażagħ flimkien jiċċelebraw il-fidi tagħhom.

Is-Sibt filgħodu għinna lis-sorijiet iqassmu l-ikel u l-ħwejjeġ lill-ommijiet single li għandhom tarbija. Permezz tad-donazzjonijiet tagħkom, din hi ħaġa li s-sorijiet jagħmlu kull nhar ta’ Sibt, biex jgħinu lil dawn l-ommijiet kif jistgħu. Għalhekk grati wkoll li sibna lilkom ta’ sapport u għajnuna mhux biss bil-flus imma bit-talb tagħkom.

Grati għall-komunità li laqgħetna b’tant ferħ, imħabba u paċi, b’mod kontinwu. Il-komunità ta’ Imhambane hi waħda li se tibqa’ f’qalbna u talbna. L-aħħar jumejn kienu mumenti emozzjonali ħafna fejn sellimna lit-tfal, l-għalliema u ż-żgħażagħ kollha li ltqajna magħhom.

Grati għas-Sorijiet Agostinjani li qed jagħmlu xogħol kbir ma’ dawn il-familji, xogħol li ma jidhirx imma li jagħmlu b’ħafna ferħ u mill-qalb. Nafu li dak li ħallejna warajna, qed jieħdu ħsiebu s-sorijiet b’paċenzja kbira u b’ħafna dedikazzjoni.

Grati lejn Fr Mario, li hu l-moħħ wara dan is-Segretarjat u wara l-ħidma kollha li ssir mal-foqra f’dan il-pajjiż. Nirringrazzjawh li tana din l-esperjenza u għixniha flimkien miegħu b'ħafna paċenzja li kellu jieħu bina, b'mod speċjali biex jitraduċielna l-lingwa. Nirringrazzjaw ukoll lis-Segretarjat tal-Missjonijiet Agostinjani tal-għajnuna u s-sostenn tiegħu matul din l-esperjenza, kemm fil-preparazzjoni kif ukoll matul iż-żmien li konna l-Mozambik.

Finalment aħna grati lejn Alla, li tana din l-opportunità li nesperjenzaw l-ispirtu tiegħu f’kull persuna li ltqajna magħha u f’kull esperjenza li għaddejna minnha. Inħeġġu biex żgħażagħ oħra ma jibżgħux jagħmlu din l-esperjenza li se sservi biex jagħrfu s-sbuħija tal-ħajja u tal-persuni li jiltaqgħu magħhom filwaqt li jikbru f’ħafna valuri sbieħ.

Roberto D'Amato

f'isem il-grupp Amigos

Għal iktar informazzjoni fuq l-esperjenzi missjunarji għas-sajf li ġej 2025 tista' tikkuntattja lil fr Mario Abela osa fuq 79255936 jew lil fr Terence Spiteri osa fuq This email address is being protected from spambots. You need JavaScript enabled to view it. jew tidħlu fil-facebook/instagram Amigos jew Augustinian Youths.

Matul l-aħħar ġimgħa ta’ Lulju, il-grupp ta’ żgħażagħ Tagaste Youths ħadu sehem f’esperjenza differenti flimkien ma’ żgħażagħ oħrajn Taljani f’Cascia. Matul din il-ġimgħa Tagaste Youths ħadu sehem f’diversi attivitajiet bħal mixjiet, logħob, mument ta’ talb, diskussjonijiet, riflessjonijiet personali u mumenti oħrajn li fihom setgħu jsiru jafu żgħażagħ oħrajn li qegħdin fi gruppi agostinjani fl-Italja.

Dawn huma ftit mill-esperjenzi ta’ dawn iż-żgħażagħ:

Our recent trip to Cascia was truly unforgettable! We had the opportunity to meet Italian youths and to share cultural experiences. Each day was filled with engaging activities, from exciting sports and team challenges to peaceful moments of reflection. One of the highlights was our hike to the stunning village of Roccaporena, where we were surrounded by breathtaking natural beauty. Our spiritual journey was deepened by daily Mass, prayer, and moments of quiet reflection, allowing us to grow in faith together. We also had the special opportunity to visit the nuns at the monastery, explore Santa Rita’s old convent, and learn more about her inspiring life. This trip was more than just a visit; it was an experience of community, spirituality, and personal growth. We return home with full hearts, enriched by the experiences we shared, the wonderful people we met along the way and the kind guidance of Fr Leslie and Fr Terence. Cascia will always hold a special place in my heart.

James Sciberras

In just one week together, the number of new experiences are truly uncountable. We met people and made new friends, went on hikes in the mountains, saw jaw dropping views, played games and above all became closer as friends, not to mention the new survival instincts against the scorching sun. Although most of us weren’t fully on board as from the beginning of our trip, we quickly came to the realisation that it’s not just what we’re used to doing that brings joy. This adventure was also a great learning experience! Not only did we learn to work together, especially when activities required teamwork, but we also learnt a lot about St. Rita and her life, which was very interesting, and a lot more, such as the process for a Saint to be declared as such in the first place. All in all, this was truly a jaunt to remember, and I cannot wait to have similar experiences!

Daniel Bajada

The one week we spent in Cascia was unforgettable on multiple aspects. Firstly, it was the first trip of its kind that the Augustinian Youths ever had. Secondly, we had the opportunity to meet different youths from across Italy who all had one thing in common: their Augustinian faith. Thirdly, it was a week where we managed to strengthen the friendships between ourselves as a group, between God and between oneself. Despite a few initial setbacks such as a completely new environment and the language barrier, we made the most of this experience and without a doubt the trip to Cascia was adventurous as much as it was inspiring and eye opening. Throughout the week, we had activities prepared for us which ranged from social activities such as sports, to more spiritual ones where we had chance to reflect upon our lifestyle, friendships, beliefs and attitudes towards life. During the week, we also met some cloistered nuns who live in Cascia and even got the chance to speak a bit with them and even write a small message to them. This was an unforgettable experience to have the chance to meet such nuns where we could feel the presence of God amongst the silence and peaceful environment of the convent. The highlight of the trip to Cascia was surely visiting the Basilica of St. Rita where we had the chance of praying to St. Rita herself. A moment which I will always treasure was the hilly walk to Roccaporena, her place of birth and getting to see her home and hearing about her religious life. The theme of this adventure was how one could become a King; in essence, how one can spiritually grow with the help of others and by being ready to help others and in return finding God. Throughout the week, all the activities and moments of reflection centred around this theme and in doing so, as a group, we learned a lot on how helping one another makes us follow in God’s path as He too helped us not only during the trip to Cascia but also throughout our lives. All in all, this trip was a priceless experience for us all as a group. A big thank you to Fr. Leslie and Fr. Terence who were there throughout our prayers, activities, games, laughs and much more. Ci vediamo alla prossima!

Yevgeny Spiteri

Nixtieq naqsam magħkom dak li nħoss fuq din l-esperjenza mill-isbaħ li qattajt ma’ diversi patrijiet u sorijiet, persuni kkonsagrati u magħżula mill-Mulej. Ħassejt li jiena għixt din il-ġimgħa f’post ta’ talb u post qaddis, post fejn tinħass il-preżenza ta’ Alla u preżenza ta’ fidi. Xi ħaġa oħra li nnutajt hija li konna vera milqugħin minn kulħadd. Kellna rispett u imħabba liema bħalha. Din għinitni u ser inżommha quddiem għajnejja matul ħajti.  Għalkemm il-fidi u l-vokazzjoni hija mixja, żgur li l-ewwel ma tiekol hija l-għajn, u din hija l-esperjenza personali tiegħi. Ħassejtni milqugħ qisni wieħed ta’ ġewwa. Grazzi ta’ din l-esperjenza u j’Alla jkollna esperjenzi oħrajn bħal din, għaliex żgur hija esperjenza sabiħa, tkun xi tkun il-vokazzjoni għalina iż-żgħażagħ.

Jean Paul Curmi Cassar

Il-Kummissjoni Provinċjali tal-Lajċi Agostinjani, taħt id-direzzjoni ta’ Patri Franco Grech 0SA, din is-sena rat il-ħolma u x-xewqa tagħha li jittella’ pellegrinaġġ Agostinjan, imma mhux biss, isiru realtà bl-għajnuna t’Alla. Dan sar bis-sehem tas-Sur Marcel Zammit Marmarà bħala tour leader u s-Sa Gwen Mousù li organizzat il-pellegrinaġġ.

Bejn l-24 u l-31 ta’ Lulju 2024, 54 persuna ngħaqadna bħala familja waħda fuq dan il-pellegrinaġġ u fl-istess ħin tour. Minkejja s-sħana u l-mixi, kulħadd ħa gost, anke dawk li kienu akbar fl-età, imxew u wrew kuraġġ u perseveranza!

Tlaqna l-Erbgħa 24 ta’ Lulju għal Milan, fejn qbadna l-kowċ għal Treviso, magħruf ukoll bħala Venezja ż-Żgħira minħabba l-kanali tal-ilma li hemm.

L-għada, il-Ħamis 25 ta’ Lulju, qbadna t-tren għal Venezja. Fr Franco ċċelebra quddiesa fil-knisja ta’ Santa Marija ta’ Nazaret, magħrufa bħala Chiesa Degli Scalzi. Ma setax jonqos li nżuru pjazza San Marco u l-Palazzo Ducale, il-Ponte dei Sospiri, la Torre dell’Orologio, il Ponte Rialto u oħrajn.       

Imxejna fit-toroq dojoq ta’ madwar il-kanali u bla dubju ma naqsitx dawra bil-famuża gondola Venezjana għal dawk li xtaqu. Lura għat-tren morna bil-lanċa – it-trasport pubbliku f’Venezja!

Il-Ġimgħa 26 ta’ Lulju, tlaqna għal Padova, il-belt famuża ta’ “il Santo”! Hekk hu magħruf mal-Italja kollha l-qaddis Sant’Antnin, li proprju kien minn Lisbona, il-Portugal. Xħin wasalna Padova bqajna sejrin naraw il-Kappella Degli Scrovegni, magħrufa għall-affreski ta’ Giotto, famużi mad-dinja kollha li saru bejn 1303 u l-1305. Meravilja ta’ pitturi mal-ħitan kollha li juru l-istorja tas-salvazzjoni.       

Fil-ħin liberu li kellna għall-ikel f’nofsinhar aħna dħalna fil-Katedral sabiħ ta’ Santa Marija Assunta u żorna wkoll pont fuq ix-xmara msemmi għal Santu Wistin! Wara lkoll żorna l-Bażilika ta’ Sant’Antnin – il-qofol tal-ġurnata – fejn morna fuq il-qabar tiegħu u ħdejn ir-relikwiji magħrufin tiegħu, fosthom l-ilsien inkorrot u x-xedaq. Fr Franco ċċelebra l-quddiesa f’kappella fil-ġenb tal-bażilika.     

Wara morna fi ġnien sabiħ, Prato della Valle, b’ħafna statwi u funtani. Ma naqasx li ntemmu l-jum b’ikla tipika Padovana, f’restorant agriturismo!

Is-Sibt 27 ta’ Lulju, wara l-quddiesa li Fr Franco qaddes fil-kripta tal-Katidral ta’ San Pietru fi Treviso, rajna l-battisteru ħdejn il-Katidral, fil-knisja ta’ San Ġwann Battista u żorna Piazza dei Signori fejn hemm it-Torre Civica. Ħallejna Treviso għal Milan.   

Fi triqitna waqafna Verona fejn rajna l-Arena di Verona, id-dar ta’ Giulietta u Piazza delle Erbe fost postijiet sbieħ oħra. Verona belt sabiħa u hemm ħafna x’tara! Komplejna t-triq għal Milan fejn wasalna flgħaxija fil-lukanda maġenb l-istazzjon tal-ferrovija.

Il-Ħadd 28 ta’ Lulju, qbadna t-triq għal Sotto il Monte, minn fejn kien Angelo Roncalli, il-qaddis Papa San Ġwanni XXIII. Waqafna l-Casa del Pellegrino fejn rajna dokumentarju qasir fuq il-ħajja tiegħu u wara żorna l-Ġnien tal-Paċi u s-Santwarju San Giovanni XXIII.     

Morna fid-dar, illum museum marbut mal-Papa Buono, li kien jgħix fiha meta jżur Sotto il-Monte qabel sar Papa. Wara ikla tajba mħejjija għalina mill-volontiera tas-Santwarju fil-Casa del Pellegrino, kellna l-quddiesa fil-knisja ċkejkna ta’ Santa Maria in Brusicco li fiha kien mgħammed Angelo Roncalli fl-1881. Il-battisteru għadu hemm u hemm ukoll l-irħama li kienet fuq il-qabar tiegħu fil-kripta tal-papiet fil-Vatikan qabel ġie kanonizzat. Imbagħad għamilna vista lid-dar fejn twieled u għex fi tfulitu l-Papa San Ġwanni XXIII.

Aktar tard għaddejna Bergamo fejn tlajna Città Alta bil-funikular u żorna Piazza Vecchia, Cappella Colleoni, il-Bażilika ta’ Santa Maria Maggiore u l-Battisteru – knejjes meraviljużi mimlija xogħlijiet tal-arti.

It-Tnejn 29 ta’ Lulju, bdejna l-ġurnata bil-quddiesa ċċelebrata minn Fr Franco fis-Santwarju ta’ San Kamillu de Lellis, fejn fakkarna t-23 anniversarju taż-żwieġ tagħna. Wara għamilna vista mistħoqqa lil San Ambroġ fil-Bażilika tiegħu f’Milan.

Hemm tajna qima lir-relikwiji ta’ dan l-isqof kbir ta’ Milan li kien providenzjali fil-konverżjoni ta’ missierna Santu Wistin. Fil-fatt San Ambroġ kien li għammed lil Santu Wistin u t-tifel tiegħu Adeodato fil-Vġili tal-Għid il-Kbir tas-sena 387.  Wara bqajna sejrin Como fejn żorna l-Katidral sabiħ u ammirajna numru ta’ tapezzeriji kbar imdendlin fil-korsija fost ħwejjeġ oħra tal-arti.    

Wara ħin għall-ikel ħdejn Lago di Como, irkibna l-lanċa li dawritna dawra ta’ siegħa fuq l-għadira, fejn stajna ngawdu veduti sbieħ tal-muntanji ta’ madwar. Xi ġelat tajjeb ma naqasx qabel tlaqna lura lejn Milan!

Il-qofol tal-pellegrinaġġ bħala lajċi Agostinjani ntlaħaq it-Tlieta 30 ta’ Lulju, biż-żjara tagħna f’Pavia meta morna l-Bażilika ta’ San Pietro in Ciel d’Oro fejn hemm meqjuma il-fdalijiet ta’ Santu Wistin. Dawn huma miżmumin b’qima kbira f’relikwarju ġo kaxxa f’monument kbir tal-irħam. Billi kienu qed isiru xi xogħlijiet fejn tinżamm il-kaxxa bil-fdalijiet ta’ Santu Wistin, il-ħġieġa kienet maqlugħa u xi wħud kellhom ix-xorti li jmissu l-kaxxa direttament, għalkemm malajr kienet magħluqa mill-ġdid bil-ħġieġa!

Ma setax jonqos li aħna wkoll nagħtu qima lil missierna Santu Wistin u Fr Franco, iben spiritwali ta’ Santu Wistin, iċċelebra l-quddiesa hemmhekk. Żgur li kienu mumenti kommoventi għal dawk kollha li konna hemm dakinhar u kif kien xieraq, ħadna ritratt tal-grupp kollu flimkien quddiem il-qabar ta’ Santu Wistin! Xbieha sabiħa tal-monument fejn jinsabu l-fdalijiet tiegħu, ingħatat lil kulħadd bħala tifkira mis-Sa Gwen Mousù.

Wara kellna wkoll ħin liberu fejn stajna nduru aktar f’Pavia. Aħna għaddejna fil-knisja parrokkjali ta’ Santa Marija tal-Karmnu – knisja kbira u sabiħa ħafna tal-Karmelitani. Wara tajna titwila lil Ponte Coperto li hemm fuq ix-xmara Ticino.

Temmejna l-jum bi żjara fil-monasteru taċ-Ċisterċensi f’Certosa di Pavia – post kbir u sabiħ fejn barra s-santwarju meraviljuż, insibu wkoll il-monasteru, li barra l-parti komunitarja madwar il-kjostru ż-żgħir hemm ukoll 24 abitazzjoni individwali madwar kjostru kbir fejn kienu jgħixu ċ-Ċisterċensi b’mod solitarju.

Kif wasalna lura Milan, xi wħud xtaqu jaraw il-knisja ddedikata lil Santu Wistin li tinsab ftit bogħod mil-lukanda u ħtafna l-opportunità biex naqbżu qabża s’hemm għalkemm kien sar il-ħin. Fil-fatt sibna li kienet għadha kif għalqet, imma l-providenza riedet li s-sagristan ġie lura u fetħilna u b’hekk stajna ngawdu ftit ħin f’din il-knisja sabiħa ddedikata lil Santu Wistin, li hi f’idejn is-Salesjani.          

L-Erbgħa, 31 ta’ Lulju, kienet l-aħħar ġurnata f’Milan, iżda mhux l-inqas, għax Milan hu assoċjat ħafna ma’ Santu Wistin, fejn hemm huwa skopra r-rieda t’Alla għalih u mexa t-triq għall-konverżjoni tiegħu. Filgħodu morna d-Duomo ta’ Milan – katidral kbir u magħruf mad-dinja kollha. Ma naqsitx żjara interessanti fl-Area Archeologica, fejn stajna naraw il-fdalijiet ta’ battisteru antik li aktarx kien il-post fejn Santu Wistin kien mgħammed minn San Ambroġ. Għalhekk dan il-post hu ta’ importanza għalina l-lajċi Agostinjani.

Wara kellna ftit ħin induru l-madwar tal-pjazza qabel tlaqna lejn l-ajruport għar-ritorn lejn Malta.

B’hekk il-pellegrinaġġ tagħna ġie fi tmiemu għax bħal ma jgħidu, kull ħaġa tajba tiġi fi tmiemha! Imma żgur li din l-esperjenza ser tibqa’ magħna tul ħajjitna kollha. Il-parteċipanti kollha qsamna flimkien mumenti ta’ talb, ferħ u ħbiberija li ċertament ma ninsewx. Nirringrazzjaw ’l Alla u lil kull min ta sehmu biex dan il-pellegrinġġ jirnexxi.

Isabelle u Godfrey Scicluna

Membri tal-Fraternità Agostinjana Sekulari

(Min jixtieq aktar tagħrif dwar il-Fraternità jista’ jagħmel kuntatt ma’ Fr Franco Grech fuq Mob. 99244640 jew This email address is being protected from spambots. You need JavaScript enabled to view it. )